Tetë persona janë arrestuar në Tiranë në kuadër të megaoperacionit policor antidrogë të koduar “Tempulli”.
Në pranga u vunë Kol Braçi, Orgito Idrizi, Helson Gjabri, Arjan Domi, Endrit Kotorri, Elvi Zani si dhe dy të mitur.
Gjatë kontrolleve fizike dhe të automjeteve të këtyre shtetasve, shërbimet e Policisë gjetën rreth 160 doza me lëndë narkotike kokainë, dhjetëra doza kanabisi dhe shuma parash të dyshuara të përfituara nga shitja e lëndës narkotike.
Nga verifikimet e kryera ka rezultuar se këta shtetas e siguronin lëndën narkotike në sasi dhe pasi e ndanin në doza, i shitnin ato në afërsi të lokaleve të natës të ndryshme në Tiranë.
Kapja dhe arrestimi i tyre u krye nga Shërbimet e Sektorit të Forcës së Posaçme “Shqiponja”, shërbimet e Komisariatit të Policisë Nr. 3, në bashkëpunim me ato Seksionit për Hetimin e Narkotikëve në DVP Tiranë./abcnews.al
