Më shumë se 70 milionë njerëz kanë shfrytëzuar mundësinë e votimit të parakohshëm në zgjedhjet presidenciale në SHBA, të cilat do të mbahen më 5 nëntor, njoftoi Laboratori Zgjedhor i Universitetit të Floridës.
Kjo është rreth 45 për qind e 158 milionë votuesve të regjistruar për zgjedhjet e mëparshme presidenciale në 2020.
Tetë vjet më parë, 47.2 milionë njerëz shfrytëzuan mundësinë e votimit të parakohshëm dhe një numër rekord i votuesve të parakohshëm prej 101.5 milionë u regjistrua në zgjedhjet e mëparshme, që ishte pasojë e pandemisë Covid, kur njerëzit shmangnin qëndrimin në radhë, shkruan BBC.
Këtë vit, mbajtësja e rekordit në numrin e votuesve të hershëm, në raport me numrin e banorëve, është Georgia, një nga shtatë shtetet e pavendosura, ku katër milionë njerëz, që është më shumë se gjysma e votuesve të regjistruar, kanë hedhur tashmë votën për të preferuarin e tyre./abcnews.al
