Deklaratën e Kryeministrit Rama që tha se Harta e re Gjyqësore nuk ndryshon, Dhoma e Avokatëve të Shqipërisë e konsideron të pavend pasi sipas tyre asgjë nuk i është kërkuar Qeverisë por Këshillit të Lartë Gjyqësor.
Po ashtu, kreu i Dhomës Kombëtare të Avokatisë, Maksim Haxhia bëri të ditur se ndryshe nga sa tha Rama, avokatët kanë kohë që kërkojnë të ulen për bisedime por askush nuk i dëgjon.
Haxhia thekson se bojkoti nuk është preson, por është zëri i avokatëve që kërkojnë të dëgjohen.
“Dhoma e Avokatisë i ka kontestimet për vendimin e KLGJ, qeveria s’ka të bëj me hartën 1 apo 4 apele ka vetëm faturën financiare. Dhoma e avokatisë s’është e vërtet që s’kemi kërkuar zgjidhe, jemi për zgjidhje me mirëkuptim e që i përshtatet jo vetëm publikut por edhe interesit e realizimit të drejtësisë. Kemi kohë që kërkojmë të ulemi por s’na dëgjojnë. Bojkoti s’është presion është zëri ynë të na dëgjojnë e të ulemi”, thuhet në reagimin e kryetarit të Dhomës, Maksim Haxhia.
Kujtojmë se në një konferencë për mediat të mbajtur pasditen e së premtes, kryeministri Edi Rama e bëri të qartë se harta e re gjyqësore është ajo dhe se nuk do të ndryshojë. “Me qeverinë time, tha kreu i qeverisë, nuk ka bojkote e presione.” /abcnews.al/
