Napoli do të tentojë fitoren kundër Torinos në transfertë për të qëndruar afër Interit dhe Juventusit në renditje. Përballë ekipit të Ancelottit është Torino që vjen nga një fitore në katër ndeshjet e fundit.
Trajneri i Napolit ka vendosur për titullarët që do të hedhë në fushën e blertë dhe mes tyre është edhe Elseid Hysaj. Kjo është hera e parë për këtë sezon që mbrojtësi i kombëtares e nis si titullar.
Napoli renditet për momentin në vend të katërt me 12 pikë dhe do të bëjë maksimumin për të siguruar një fitore përpara pushimit prej ndeshjeve të kombëtareve.
Formacioni i Napolit: (4-4-2): Meret, Di Lorenzo, Manolas, Luperto, Hysaj; Fabian, Allan, Zielinski, Insigne;Lozano, Mertens. /abcnews.al
