Delle Alli që nga ardhja e Jose Mourinho në krye të Tottenham nuk ka arritur të tregojë vlerat e tij dhe tashmë është shndërruar në një lojtar stoli.
Në Angli raportojnë se kjo situatë nuk i pëlqen aspak anglezit dhe ai i ka shprehur dëshirën klubit të kalojë në Francë te PSG. Këta të fundit nga ana tjetër janë të interesuar për blerjen e tij.
Në krye të francezëve është Mauricio Pochettino, trajneri me të cilin Dele Alli shkëlqeu më së shumti dhe e vendosi veten mes mesfushorëve më të mirë në botë.
Nga ana tjetër anglezi ka kontratë deri në verën e vitit 2024 me Tottenham dhe klubi londinez ka treguar se është shumë i vështirë në negociata për të shitur. PSG nuk do e ketë të lehtë. /abcnews.al
