Këngëtarja e njohur, Dua Lipa ishte në Miami për turin e saj “Future Nostalgia”, i cili u shty për shkak të pandemisë. Pasi bëri një rikthim legjendar në skenë, Lipa e kaloi kohën e lirë në plazh. Teksa shijonte diellin dhe detin, këngëtarja shqiptare rrëmbeu vëmendjen e të gjithëve.
Këngëtarja bukuroshe, e shoqëruar me mikeshat e saj në plazh, u shfaq me një palë bikini të thurura në ngjyrë të verdhë dhe portokalli. Herë pas here lexonte dhe romanin e autorit Khaled Hosseini, “A Thousand Splendid Suns”. Dua po shijon klimën e Maiamit para se të niset drejt Atlantës për koncertin e radhës.
Turneu i madh do të ketë gjithsej 82 koncerte, me të fundit që pritet të mbahet me 16 Nëntor. Dua fillimisht njoftoi turneun e saj Future Nostalgia në dhjetor 2019, por ai u shty disa herë për shkak të pandemisë së vazhdueshme COVID-19.
/abcnews.al
