Loading ...
Tre orë zgjati protesta mbrëmjen e sotme në Tiranë. Gjithcka nisi në sheshin “Skënderbej” dhe mbaroi po aty pas marshimit drejt ministrisë së Brendshme, Kryeministrisë, Bllokut dhe më pas i vendosën syrin drejtorisë së Policisë së Tiranës por forcat speciale nuk i lejuan.
Më pas grupi i qytetarëve që morën pjesë në protestë u drejtuan për te sheshi “Skënderbej”.
Me përfundimin e tubimit nisi vala e arrestimeve. “ABC” sjell pamjet e momentit kur një qytetar shoqërohet, ndërsa një nga efektivët i drejtohet “Ec ore mos na trego punën tonë”. Kjo ishte protesta e pestë në Tiranë që pas vrasjes së të riut Klodian Rasha nga një efektiv policie në datë 8 dhjetor./ db/Abcnews.al
