Tre reaktorët e fundit bërthamorë në Gjermani, të cilët kishin marrë vendimin që në dekadën e kaluar për të qenë të pavarur nga kjo formë energjie, do të çaktivizohen.
Fabrikat që mbyllen janë Emsland në Saksoninë e Ulët, Isar 2 në Bavari, Neckarwestheim në Baden-Württemberg. Të treja siguruan në vitin 2022 rreth 6.5% të energjisë që i nevojitet Gjermanisë.
Edhe pse Gjermania kishte filluar heqjen graduale të termocentraleve bërthamore dy dekada më parë, në vitin 2010 kancelarja Merkel tha se vendi do t’i përdorte. Por katastrofa e Fukushimës në Japoni në 2011, pas cunamit, ishte katalizatori për vendimin e Berlinit për të mbyllur të gjitha centralet bërthamore.
Që nga viti 2003, 16 centrale bërthamore janë mbyllur.
Gjithashtu planifikohet që të gjitha fabrikat e qymyrit të mbyllen deri në vitin 2038 dhe “bllokimet” e para do të fillojnë në vitin 2030.
Vitin e kaluar, energjia elektrike e Gjermanisë është prodhuar me 30% nga qymyri, 22% nga era, 13% nga gazi natyror dhe 10% nga dielli. Pjesa tjetër prodhohej nga centralet bërthamore, biomasa ose hidrocentralet. /abcnews.al
