Buckingham Palace, rezidenca e mbretit britanik në Londër, është në kërkim të një operatori të ri telefonik. Detyra e tij është t’u përgjigjet 4000 telefonatave të marra çdo javë në rezidencën mbretërore. Kjo është jo më pak se 208,000 thirrje në vit.
Në një deklaratë, të raportuar nga Daily Mail, operatori duhet të punojë në pallat 38 orë në javë dhe paguhet 26,000 £ në vit, 9,000 £ më shumë se paga minimale angleze. Mbi të gjitha, të punosh për familjen mbretërore “do të thotë të jesh në zemër të organizatës dhe të jesh krenar që je pjesë e një ekipi kushtuar mbretit“.
Dihet edhe sa zgjat pushimi vjetor, nga 25 deri në 30 ditë pushim me pagesë.
Punonjësi ka akses në një sistem pensioni tërheqës, sigurim të mirë shëndetësor dhe një zbritje prej 20 për qind në butikët Royal Collection Trust.
Kur e njëjta punë u shpall në vitin 2016, gjatë mbretërimit të Mbretëreshës Elizabeth II, paga ishte vetëm 23,000 £, por numri i thirrjeve ishte pothuajse dyfishi: 7,000 në javë ose 364,000 në vit. Tani janë kompesuar me rritjen e numrit të e-maileve të pranuara.
Nga kopshtarët tek rrobaqepësit e deri te ekspertët e kompjuterave, Buckingham Palace punëson 1200 njerëz, sipas revistës Forbes./abcnews.al
