Të dielën në Mbledhjen e Këshillit Kombëtar, Kryesia e PD pritet që të propozojë shkarkimin e kreut të këtij Këshilli Edi Paloka. Gazetari Juxhin Mustafaraj mëson se sot në Kryesi do të votohet vetëm shkarkimi i 11 kryetarëve të degëve që refuzuan të mblidhnin firma për Kuvendin e 18 dhjetorit.
Ndërsa, vendimi për Palokën dhe anëtarët e Kryesisë që morën pjesë në Kuvendin e 11 Dhjetorit do të merret nesër në mbledhjen e Këshillit Kombëtar.
Kujtojmë se më herët gjatë ditës së sotme, Edi Paloka pati nje rëagim pasi kryedemokrati Lulzim Basha njoftoi në mbledhjen e kryesisë që të dielën mblidhet Këshilli Kombëtar.
Në një postim në Facebook, kreu i Këshillit Kombëtar shprehej se Basha s’ka tagër ta bëjë një gjë të tillë, duke iu referuar këtu votimit për “shkarkimin” e tij në Kuvendin e mbledhur nga Sali Berisha.
Në mbledhjen e nesërme pritet që votohet një rezolutë e posaçme për situatën e krijuar në PD si dhe një propozim për shkarkimin e katër sekretarëve Belind Këlliçi, Ivi Kaso, Ervin Minarolli dhe Ledina Mandia.
Lista e funksionarëve që do të shkarkohen në mbledhjen e Këshillit Kombëtar
Kreu i Këshillit Kombëtar
Edi Paloka
Anëtarët e Kryesisë
*Edi Paloka
Belind Këlliçi
Ivi kaso
Albana Vokshi
Aldo Bumçi
Gent Strazimiri
Gert Bogdani
Oerd Bylykbashi
Flamur Noka
Ervin Minarolli
Ledina Mandia*
Sekretarët
*Belind Këlliçi
Ivi Kaso
Ervin Minarolli
Ledina Mandia* /abcnews.al/
