shkarkim
R D15:17 | 06/02/2020
Ish-ministri i Financave Arben Malaj mori pjesë në seancën e parë gjyqësore në Gj. Administrative të Tiranës. Ai ka paditur Kuvendin e Shqipërisë dhe Bankën e Shqipërisë për shkarkimin nga detyra si anëtar i bordit të BSH-së.
Teksa dilte nga gjykata bashkë me avokatin, Arben Malaj tha se qeveritarët duhet të mbajnë përgjegjësi për vendimet e tyre, pasi jo vetëm cënojnë integritetin e personit por edhe mbjellin frikë për të mos thënë fjalën e lirë. Edhe herë të tjera ai ka deklaruar se shkarkimi ka qenë hakmarrje e Edi Ramës.
I pyetur nga gazetarët nëse shpreson nga gjykata se do të bëjë drejtësi, ai tha se “unë nuk paragjykoj asnjë strukturë dhe do ta ndjek këtë çështje deri në Gjykatën Eurpiane. Qeveritarët duhet të mbajnë përgjegjësi, duhet të zbatojnë pavarësinë e institucioneve dhe të mos mbjellin frikë tek njerëzit”.
Ndërsa avokati Jordan Daci shprehu besim se kauza e drejtë do të fitojë. “Ka një një abuzim të hapur antiligjor dhe antikushtetues nga ana e institucioneve, ndaj kemi besim se do të fitojmë gjyqin”, tha ai.
Avokati theksoi se “më habiti qendrimi i Bankës Shqipërisë, pasi nuk paraqiti dokumentet që janë përdorur si justifikim për shkarkimin e Malajt”.
Nga ana tjetër Kuvendi i Shqipërisë që është palë në këtë proces nuk u paraqit në seancë. “Kuvendi nuk solli përfaqësues edhe pse vrapoi për të më të shkarkuar”, tha Malaj.
Z. Malaj dhe avokati i tij kërkojnë nga gjykata shfuqizimin e vendimit dhe shlyerjen e pagave deri në fund të mandatit në bordin e BSH-së./abcnews.al
So Nila12:44 | 18/01/2020
Është shkakruar nga detyra shefi i qarkullimit rrugor në Dibër, Robert Aga.
Vendimi për shkarkimin e tij ka ardhur pak kohë pas arrestimit të vellait te tij Pajtim Aga nga policia, në një operacion të finalizuar sot, me akuzën për trafik droge.
Gjithashtu Aga doli edhe para disa muajsh në përgjimet e gazetës gjermane Bild, për shitblerjen e votave në zgjedhjet e vitit 2017, të zhvilluara në qarkun e Dibrës. Zyrtari i policisë dëgjohet duke folur me ish-ministrin Damian Gjiknuri, deputetin Xhemal Qefalia, Ulsi Manjën dhe ish-ministrin Saimir Tahiri, ku këtij të fundit i thoshte midis të tjerash: “Jam ushtari jot”
Ndërkohë vëllai i tij njihet si biznesmen në qarkun e Dibrës, ku prej disa vitesh ka hapur një televizion kabllor, ndërsa problemet e tij me policisë janë të hershme.
Njoftimi i policisë për operacionin ku u arrestua Pajtim Aga
Finalizohet operacioni policor antidrogë i koduar “TRANZIT”.
Operacioni nga Seksioni për Hetimin e Narkotikëve në DVP Tiranë, në bashkëpunim me Forcën e Posaçme Operacionale në Policinë e Shtetit dhe DVP Dibër.
Vihen në pranga 7 persona.
Sekuestrohen 32.5 kg lëndë narkotike cannabis sativa në formë çokollate.
Seksioni për Hetimin e Narkotikëve në Drejtorinë Vendore të Policisë Tiranë, në bashkëpunim me Sektorin e Forcës së Posaçme në Drejtorinë e Policisë së Shtetit dhe DVP Dibër, në bazë të informacioneve të siguruara në rrugë operative nga burime të ndryshme, finalizoi me sukses operacionin e koduar “TRANZIT”, si rezultat i të cilit bë i mundur arrestimi në flagrancë i shtetasve:
-E. R., 52 vjeç, banues në Tiranë, i dënuar më parë për veprën penale ”Moskallëzim krimi”.
-P. A., 51 vjeç, banues tek ish-stacioni i Trenit, Tiranë, i dënuar më parë për veprën penale “Prodhimi dhe shitja e narkotikeve” kryer në bashkëpunim.
-Sh. M. 51 vjeç, banues në Kombinat, Tiranë, i dënuar për veprën penale “Falsifikim dokumentesh”.
-D. M., 20 vjeç, banues në Kombinat, Tiranë.
-F. D., 37 vjeç, banues në Shëngjin.
-M. P., 32 vjeçe, banuese në Gjirokastër.
-A. H., 38 vjeç, banues në Lezhë.
Nga ana e Seksionit për Hetimin e Narkotikëve të Drejtorisë Vendore të Policisë Tiranë, në bashkëpunim me Sektorin e Forcës së Posaçme në Drejtorinë e Policisë se Shtetit dhe DVP Dibër ishin grumbulluar informacione në rrugë operative se shtetasit e lartpërmendur kishin siguruar lëndë narkotike të llojit “Cannabis sativa në formë çokollate” në shtetit grek, lëndë të cilën e kishin kaluar nëpërmjet kufirit nga Konispoli, nëpërmjet dy shtetasve me banim në Gjirokastër.
Me pas lënda narkotike do transportohej në qytetin e Tiranës, me qëllim për ta nisur më vonë në një qytet në veri të vendit, për ta trafikuar jashtë Shqipërisë.
Gjatë operacionit në cilësinë e provës materiale u sekuestruan 32.5 kg lëndë narkotike canabisa sativa në formë çokollate, 6 aparate celulare dhe 2 automjete.
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime te mëtejshme hetimore, për veprën penale ”Prodhimi dhe shitja e narkotikëve”, kryer në bashkëpunim.
Përgjimi
Bert Aga: O shoku im si je?
Xhemal Qefalia: Mirë! Jam në një tavolinë, ku ke qef me shku ti në Bulqizë e?
Bert Aga: Po
Qefalia: Ok, hajt ciao!
Bert Aga: Kush të tha ty?
Qefalia: jemi këtu me kryeminsitrin dhe me ministrin
Bert Aga: Unë u garantoj tu jap çfarë tu dojë qejfi. Më çoni për zgjehdje
Qefalia: Se mos binë atë Bert kehsin aty, si thua ti?
Bert Aga: Mirë mo
Qefalia: Të betohem. Do noj foto nga tavolina të ta tregoj?
Bert Aga: Se mos ke noj fdashnore…
Qefalia: Pse e mbylle, ja ta qes i çikë ministrin ti folësh se na çave b*thën, na foli. Saimir na foli icikë këtij shefit të komisariatit Bert Agës, na foli i cikë.
Saimir Tahiri: Alo, o Berto
Bert Aga: Mirmbrëma, si je?
Saimir Tahiri: Nuk shkon kjo punë, që ma jep Qemali telefonin që të të falënderoj unë ty…
Bert Aga: Jo mo, të lutem
Tahiri: As nga ana institucionale nuk shkon…
Bert Aga: Sinqerisht më ka gënjyer
Tahiri: megjithatë faleminderit shumë për angazhimin, je i madh
Aga: E kam detyrim …
Tahiri: Edhe mos e rruaj k..in për ata që thonë ata, se se rruajmë trapin për ata legena
Aga: Unë jam ushtari jot …
Qefalia: Ke të fala dhe nga Ulsiu, do ti flasësh … Foli icikë Ulsiurt
Manja: ku je mo vlla
Aga: Ca bëre si je?
Manja: Hic mo, ja me kryeministrin
Aga: mu më duhet me shku pak atje
Manja: Ku mo?
Aga: Ke Bulqiza, po u ndërrumë ..
Manja: Ne themi të shkosh për më lart o burrë.
Aga: Mirë mo mirë, ju e dini …
Manja: Dëjo mua, fol me Xhemalin se ai ëhstë te Komisioni i sigurisë. Ne po kërkojmë të vish për më lart, se të bësh nopj gjë më të madhe, se mua më duken gjëra të vogla ato o miku im.
Aga: Mirë mo mirë … Xhemalin e kam pas vartës atëherë
Manja: ore ëhstë kryetar i komisionit të sigurisë
Aga: Ai thotë jam ushtari i Berttit, se Bertin kam pas komandant..
Manja: në rregull në rregull…
Qefalia: Hë mor ti, që më çan trapin mua …
Aga: Po si ma nxjerr ministrin ti mua aty në telefon o k*qe …
Qefalia: Po je shoku im ti re mos më çaj k*rin mu.. A do ti flasësh Edit …?
Aga: Ej o vlla, atë dokumentin …
Qefalia: A je shoku im ti. Mos më çaj b*thën…
Aga: unë kam qenë dhe do jemë…
Qefalia: Hajde vlla ciao… /abcnews.al
R D20:02 | 20/12/2019
Profesori i Inxhinierisë së Ndërtimit, Agim Seranaj, i cili u bë i njohur duke folur në media për godinat e dëmtuara nga termeti, është shkarkuar nga detyra si zv/dekan i Fakultetit të Inxhinierë së Ndërtimit. Lajmi fillimisht u postua në facebook nga Sali Berisha, i cili shprehet se Seranaj u shkarkua se “tha të vertetën për termetin dhe dëmet e tij”
Gazetarja e Abc News, Ajgena Korbi, kontaktoi me profesorin i cili konfirmoi se është shkarkuar nga detyra pa ndonjë motivacion. Firmën e ka hedhur dekani i këtij fakulteti Neritan Shkodrani (dokumenti më poshtë).
Çfarë denoncoi profesor Seranaj
Në emisionin “Abc-ja e mëngjesit”, pak ditë pas termetit ai do të shprehej se ka inspektuar zonat e dëmtuara në Spitallë të Durrësit, ku fatkeqësisht ka patur dëmtime edhe në pallatet me shumë kate. Që në krye të herës, Seranaj tha se duhet bërë kategorizim i saktë për banesat, sipas dëmeve që ato kanë.
Por ajo ç’ka do ti kushtonte më shumë profesor Seranajt duket se ka qënë ballafaqimi në “Opinion” me zv/ministrin Artan Shkreli, ku u shpreh se institucionet nuk kanë nxjerr një formular të unifikuar për vlerësimin e dëmeve.
“Objektet që po ndërhyjnë për ti bërë më shpejtësi, nuk duhen bërë në mënyrë partizance. Institucionet më parë duhet të kishin nxjerrë një formular të unifikuar. Këtu kemi 5 formularë të ndryshëm që janë bërë nga grupet e punës me të dhëna kontradiktore. Pra çfarë ka shkruar një grup inspektues nuk e ka shkruar një tjeter në akt-konstatim. Pra, ka konkluzione kontradiktore për objektet e dëmtuara nga termeti”, u shpreh Seranaj.
Për shkarkimin e tij, ka reaguar zyrtarisht opozita, përmes ish-deputetes, Albana Vokshi. Ajo thotë se “Rama ka vendosur të censurojë jo vetëm mediat, por edhe cdo zë kritik që nxjerr zbuluar përgjegjësinë direkte të tij në numrin e madh të viktimave por edhe të ndërtesave e pallateve të shembura nga tërmetet. Tashmë ka vendosur të hakmerret edhe ndaj ekspertëve më të njohur duke urdhëruar shkarkimin e tyre nga detyra për shkak se i kanë prishur propagandën që kishte përgatitur.
Dënoj me forcë veprimin e paligjshëm dhe prej ushtari politik të Dekanit të Fakultetit të Inxhinierisë së Ndërtimit Neritan Shkodrani, i cili pa dinjitet dhe integritet profesional, i është nënshtruar urdhërit politik të Edi Ramës, duke cënuar rëndë autonominë universitare”, shkruan Vokshi në facebook.
/abcnews.al
in a20:05 | 18/12/2019
Socialistët vendosën të shkarkojnë me 72 vota ish-kolegun e tyre Arben Malaj si anëtar i Këshillit Mbikqyrës së Bankës së Shqipërisë. Apeli i fundit nga foltorja e Kuvendit nuk ndryshoi mendjen e socialistëve për shkarkimin e tij.
Edhe pse nuk ishte në sallë, ish-deputeti socialist iu drejtua drejtëpërdrejtë edhe kryeministrit Rama.
Propozimit të kreut të qeverisë për të zgjeruar kabinetin pas tërmetit të 26 nëntorit, mazhoranca iu përgjigj pozitivisht duke votuar Arben Ahmetajn si Ministër Shteti për Rindërtimin me 72 vota pro dhe 10 kundër.
Deputetët e Kuvendit u bënë të gjithë bashkë për aktin normative të qeverisë për fatkeqësinë natyrore duke e kaluar atë me 100 vota pro dhe asnjë kundër. Buxhetin i shtetit për vitin 2020 kaloi me 90 vota pro, 2 kundër dhe 2 abstenim ndërkohë që kartonat e shumicës u ngritën kundër dekreteve të Presidentit Meta për kthimin e ligjeve për “Korporatën e Investimve Shqiptare” dhe atë për Rininë. Vendin e Ilir Zelës në krye të Autoritetit të Komunikimeve Elektronike dhe Postare do ta zërë Tomi Frashëri i cili mori besimin e 80 deputetëve në Kuvend./abcnews.al
ad min15:27 | 29/10/2019
Partia Demokratike i kërkon kryeministrit Rama të firmos menjëherë shkresën për shkarkimin e kryebashkiakut të Vorës, Agim Kajmaku pas fakteve të bëra publike për arrestimin e tij në Greqi. Sipas demokratëve, Kajmaku jo vetëm që duhet të largohet nga detyra por duhet t’i nënshtrohet edhe hetimeve për falsifikim të formularit të dekriminalizimit.
Demokratët e cilësojnë të përmbushur betejën e tyre publike me Agim Kajmaku dhe tani i kërkojnë një gjest moral e politik kryeministrit Rama, për firmosjen e shkarkimit të kryebashkiakut të Vorës. Sekretari ligjor i demokratëve, Çlirim Gjata vuri përballë njëra-tjetrës deklaratat e gënjeshtërta të Kajmakut dhe konstatimet e Prokurorisë.
Si propozues të ligjit të dekriminalizimit, demokratët i kujtuan kryeministrit Rama edhe parashikimit në ligj për zyrtarët që nuk deklarojnë të dhëna të sakta.
Sektori i Dekriminalizimit në Prokurorinë e Përgjithshme ka përfunduar hetimet për rastin e Agim Kajmakut duke konstatuar se gjurmët e gishtërinjve që ndodhen në databazën e të dhënave kriminale në Greqi ka përputhshmëri të plotë me ato të shtetasit Jorgo Toto të arrestuar në vitin 2003 për falsifikim të kartmonedhave./ABC News Albania
ad min15:22 | 24/10/2019
Kolegji i Posaçëm i Apelimit ka vendosur që të shkarkojë nga detyra Gjyqtarin e Gjykatës Administrative të Apelit, Artur Malaj. Trupa gjykuese e KPA vlerësoi se Malaj kishte kryer deklarim të pasaktë të pasurisë. Gjyqtari ishte kandidat për Inspektoriatin e Lartë të Drejtësisë.
Problemet e shumta me pasurinë fundosin kandidatin për Inspektoriat të Lartë të Drejtësisë Artur Malaj. Trupa gjykuese e Kolegjit të Posaçëm të Apelimit vendosi shkarkimin e gjyqtarit të Gjykatës Administrative të Apelit.
Gjyqtari Malaj nuk ishte i pranishëm në seancën për shpalljen e vendimit, edhe pse ka zhvilluar një betejë të gjatë në KPA. Trupa gjykuese e kryesuar nga Rezarta Schuetz thotë se subjekti i rivlerësimit kishte kryer deklarim të pasaktë dhe të pamjaftueshëm të pasurisë.
Gjyqtari ishte konfirmuar në detyrë nga Komisioni i Pavarur i Kualifikimit më 3 Gusht 2018, por Operacioni Ndërkombëtar i Monitorimit i kishte rekomanduar Komisionerëve Publikë të ankimonin vendimin e Malaj pasi kishte problem me pasurinë.
Komisioneri publik Dariel Sina kishte bërë ankimin pasi sipas tij në vitit 2007-2008, 2009 -2011, Malaj rezultonte me bilance negative të të ardhurave në raport me shpenzimet vjetore, të deklaruara. Ndërkohë ai nuk kishte burime të ligjshme për të krijuar pasurin dhe së nuk kishte deklaruar disa prona që ishin në pronësi të tij dhe të personave të lidhur me të.
Gjithashtu për një apartament në Tiranë, trupa gjykuese e KPA vlerësoi se subjekti nuk kishte pasur mundësi financiare për të shlyer këstin e parë të kredisë prej 15 mijë eurosh./ABC News Albania
ad min14:26 | 19/10/2019
Komisioni Hetimor për shkarkimin e Presidentit do të mbyllë punën përpara 8 dhjetorit. Kryesuesi i hetimit, Ulsi Manja thotë për ABC Neës se mazhoranca do të japë një votë politike për shkarkimin e Ilir Metës, ndërsa vlerësimin kushtetues do ta bëjë vetëm Gjykata Kushtetuese kur të jetë funksionale.
Opinioni përfundimtar i Komisionit të Venecias nuk i ka bindur socialistët të pushojnë hetimin parlamentar për shkarkimin e presidentit. Përkundrazi.
“Brenda afatit të ri që morëm nga Kuvendi, komisioni hetimor do ta përfundojë punën e vetë. Do të zbatojmë planin përfundimtar të hetimit të miratuar nga Komisioni”.
Ulsi Manja që drejton komisionin hetimor, shpjegon për ABC News se çfarë ka ngelur ende për t’u bërë nga hetimi.
“Do të administrohen provat shkresore, dhe këtu e kam fjalën për opinionin paraprak dhe final të Komisionit të Venecias, do të administrohet dhe shkresa e ardhur nga Presidenti i Republikës lidhur me arsyet që e shtynë të anulojë 30 qershorin, duke respektuar tërësisht klauzolat ligjore për informacionin e klasifikuar “sekret shtetëror””.
Komisionit i përfundon mandati hetimor në 8 Dhjetor.
“Komisioni është i detyruar të mbyllë punë që i ka ngarkuar Kuvendi me vendimin nr 84 të vitit 2019. Është një komision që i kërkohet një vlerësim në aspektin ligjor nëse Presidenti e ka shkelur ose jo Kushtetutën, dhe raporti i këtij komisioni hetimor i tillë do të jetë. Më pas seanca plenare vendos politikisht për shkarkimin e Presidentit të Republikës”.
Dhe pse janë të bindur që Meta e ka shkelur Kushtetutën duke çdekretuar 30 qershorin si datë zgjedhjesh, Ulsi Manja nuk është gati të pohojë votën e tij pro shkarkimit.
“Nuk kam asnjë arsye të paragjykoj votën time e as qëndrimin tim. Unë qëndrimin tim do ta shpreh në komisionin hetimor që unë drejtoj dhe votën time do ta shpreh në seancë plenare së bashku me gjithë kolegët e mi të mazhorancës”.
Socialistët do të votojnë shkarkimin, por topi do të ngelet në derën e Gjykatës Kushtetuese.
“Votimi në parlament është votim politik, ndërsa Gjykata Kushtetuese është institucioni i vetëm kushtetues që do të japë një vlerësim në aspektin kushtetues dhe ligjor për këtë procedurë shkarkimi”.
Teksa kjo gjykatë nuk është ende funksionale e plotësimi duket i largët, Ilir Meta do të vazhdojë të jetë në krye të shtetit./ABC News Albania
ad min17:13 | 05/09/2019
Komisioni parlamentar për zgjedhje dhe emërim, në Maqedoninë e veriut, ka shkarkuar nga posti i kryeprokurores speciale Katica Janevën. Vendimi që u miratua në mënyrë unanime do t’i çohet parlamentit të cilit i duhen dy të tretat e votave për ta konfirmuar.
Dhjetë faqet e raportit të Këshillit të Prokurorëve për Katica Janevën, i bindën për më pak se dy orë deputetët se ajo duhet të shkarkohet. Pa debat dhe me vendim unanim, Komisioni për Çështje të Zgjedhjeve dhe emërimeve e aprovoi konkluzionin e Këshillit të Prokurorëve dhe i propozoi kuvendit që Katica Janeva të shkarkohet.
Ilija Dimovski: Komisioni pa diskutim, me vendim të njëzëshëm, e konfirmoi propozimin që ka ardhur deri tek Kuvendi, që zonja Katica Janeva të shkarkohet nga funksioni Prokuror Publik Special, për shkak të udhëheqjes së Prokurorisë në mënyrë të jashtëligjshme, të pandërgjegjshme dhe jo profesionale.
Epilog i tillë pritet edhe në seancën plenare. Sipas paralajmërimeve të dy partive më të mëdha në vend, të gjithë deputetet do të votojnë për shkarkimin e Janevës. E dëshpërimin nga veprimet e saj nuk e fsheh deputeti i LSDM-së, Muhamed Zekiri.
“Si person, ajo i dëshpëroi të gjithë që i dhanë përkrahje. E përkrahje ajo pati edhe nga pushteti i atëhershëm, edhe opozita por edhe nga të gjitha subjektet politike, kur u emërua në Kuvendin e Republikës së Maqedonisë”, tha Zekiri.
Propozimi për shkarkim tanimë është dorëzuar deri tek kryetari i Kuvendit, e ai duhet të caktojë datën e mbajtjes së seancës. Për t’u shkarkuar Janeva nevojiten 2/3 të votave, si dhe votimi me badenter./ABC News Albania 24/7
ad min19:45 | 04/09/2019
Presidenti i Republikës, Ilir Meta, do të japë dëshminë e tij më 9 Shtator. Kjo është dita në të cilën, Komisioni Hetimor vendosi që kreu i shtetit të dalë në seancën dëgjimore pas kërkesës së deputetëve për shkarkimin e tij. Deputetja Klotilda Bushka tregoi në ABC News se çfarë pritet të ndodhë të hënën.
“Komisioni vepron për aq sa është e mundur sipas rregullave që parashikohen në Kodin e Procedurës Penale. Një nga parimet e këtyre lloj procesesh kanë të bëjnë me respektimin e të drejtave të individëve në këto lloj procedimesh. Një nga këto të drejta ka të bëjë me faktin të dëgjuarit, mundësisë të japë shpjegime. Është një detyrim i Kuvendit dhe Komisionit Hetimor ta ftojë dhe ta thërrasë presidentin të japë shpjegimet me këtë rast si dhe nëse ka nevojë Komisioni Hetimor tej shpjegimeve që do japë presidenti ka të drejtën të bëjë pyetje. Është detyrim për ta thirrur, është detyrim për Presidentin që nëse thirret të jetë i pranishëm”, tha Bushka gjatë një interviste me gazetaren Mirela Milori.
Por kjo datë përkon me atë të vizitës dy ditore që do të bëjë Komisioni i Venecias, të cilit i është kërkuar të japë një opinion në lidhje me të gjithë procedurën që është zhvilluar për këtë çështje. Deputetja, Klotilda Bushka tha se nuk është Komisioni i Venecias që do të marrë vendimin nëse do të shkarkohet apo Presidenti.
Sipas saj, roli i Komisionit të Venecias për këtë çështje është e një natyre tjetër, pasi i është kërkuar opinioni në kuadër të praktikave të tjera ndërkombëtare që do ndihmojë Komisionin Hetimor për të kuptuar dhe qartësuar çështjet e së drejtës.
“Opinioni i Komisionit të Venecias do të jetë i rëndësishëm për të përcaktuar standardet më të mira ndërkombëtare mbi shinat e të cilës ne do të donim të ecnim në këtë proces për të qenë korrekt dhe për të pasur një bazueshmëri të qëndrueshme edhe në praktika të mëparshme të vendeve të tjera. Nuk i kemi kërkuar Komisionit të Venecias nëse duhet apo jo ta shkarkojmë Presidentin. I kemi kërkuar një opinion mbi parime të së drejtës të cilat aplikohen në raste të ngjashme dhe sa i takon faktit të elementëve të caktuara përbëjnë apo jo cenim të të drejtave të njeriut apo të standardeve demokratike në një vend. Ka të bëjë me sqarime pasi Komisioni i Venecias ka të bëjë me rolin e ekspertizës për t’i ardhur në ndihmë vendeve ndërkombëtare që të enë një element të shtuar të sigurisë juridike. Nuk mund të përgjasojnë opinionet e Komisionit Hetimor me atë të Venecias. Kanë natyra të ndryshme. Komisioni i Venecias në kuadër të praktikave ndërkombëtare na ndihmon të kuptojmë dhe të qartësojmë çështje të së drejtës, por nuk mund të jetë determinant. Por është një ndihmë shumë e madhe që ky proces të jetë në shinat e standardeve”, tha Bushka./abcnews.al
ad min17:00 | 02/08/2019
Në Kosovë mbahet festivali ndërkombëtar i muzikës “Sunny Hill”, ku do të performojnë këngëtarë të njohur të skenës botërore. Mes tyre spikasin këngëtarja shqiptare Dua Lipa dhe yje të tjerë si Miley Cyrus apo DJ Calvin Harris.
Sot nis festivali ndërkombëtar i muzikës “Sunny Hill”. Para nisjes së këtij festivali në një konferencë për media këngëtarja Dua Lipa ka bërë të ditur se fondacioni “Sunny Hill” ka ndarë 150 mijë euro për një akademi për të rinj e cila do të quhet “Sunny Hill Academy”.
Me këtë rast Komuna e Prishtinës ka nënshkruar marrëveshje me “Sunny Hill Foundation” dhe “Sunny Hill Festival”. Kjo qendër për art dhe muzikë do të shërbejë për artistët e rinj, ndërsa Dua ka realizuar ëndrrën e saj.
“Kjo ishte një ëndërr e madhe për neve për të pasur një hapësire ku fëmijët dhe rinia munden me ardh se e dimë sa kemi kreativë dhe talent në Kosovë në përgjithësi”, tha Dua.
Ajo u pyet nëse do të performojë me Calvin Harris këngën e tyre të përbashkët One Kiss.
“S’e di përgjigjen”, tha ajo.
Ndërsa ka bërë të ditur se së shpejti do të ketë një bashkëpunim të ri me këngëtaren Miley Cyrus. Në konferencë gjatë gjithë kohës ishte edhe i dashuri i saj i ri Anëar Hadid.
“Sunny Hill” festival gjithashtu ka ndarë shpërblime në shenjë mirënjohje për sponsorët e vitit të kaluar përfshirë edhe Klan HD. Në edicionin e dytë të këtij festivali do të performojnë yje të mëdha botërore si: Miley Cyrus, Calvin Harris e reperi shqiptar, Gashi./ABC News Albania 24/7
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
