Partia Demokratike ka mbledhur Këshillin Kombëtar këtë të hënë. Ish-kryeministri Sali Berisha tha se kjo mbledhje vjen në një moment jashtëzakonisht kritik për vendin.
Berisha shigjetoi menjëherë sapo mori fjalën kryeministrin Edi Rama, duke thënë se ai është vasal i Aleksandër Vuçiçit. Ish-kryeministri ngriti shqetësimin, sipas tij për mbrojtjen që Rama po i bën Vuçiçit në samitet dhe takimet botërore.
“Kjo mbledhje bëhet në një moment jashtëzakonisht kritik për vendin. Siç ndiqni situatën Edi Rama çdo javë, çdo muaj zhytet gjithnjë e ë thellë në vasilitet të plotë ndaj presidentit serbo madh Vuciç.
Në rast se ju merrni diskurin e tij të muajit të fundit në këtë diskur, njeriun më të mbrojtur, njeriun më të ftohtë më të cituar në rajon dhe botë në fjalimet e Ramës do të gjeni Vuçiç.
Ky vasal i tij kalon nga samiti në samit, nga takimi në takim, duke mbrojtur një Putin të vogël në rajon, duke i dhënë këshilla Europës dhe botës, duke justifikuar plotësisht rreshtimin e Putinit me Rusinë dhe kundër sanksioneve të BE. Duke e paraqitur kërkesën për zbatimin e sanksioneve nga Vuçiç si një kërkesë të rrezikshme për paqen. E vërteta është se prapa mbrojtjes që i bën Edi Rama aksit Moskë-Beograd qëndron vasaliteti i tij ndaj Beogradit dhe indirekt ndaj Moskës”, deklaroi Berisha. /abcnews.al
