Mbi 6,000 fëmijë nën 14 vjeç vdiqën si pasojë e aksidenteve rrugore në BE në 10 vite

schedule11:13 - 28 Shtator, 2022

schedule 11:13 - 28 Shtator, 2022

Më shumë se 6,000 fëmijë nën 14 vjeç vdiqën si pasojë e aksidenteve rrugore në vendet e BE-së, gjatë 2011-2020, sipas një raporti të Këshillit Europian për Sigurinë e Transportit (ETSC).

Në fakt, Këshilli u dërgoi rreth 40 rekomandime qeverive kombëtare dhe BE-së duke u kërkuar rrugë të sigurta për në shkolla. ETSC thekson se rrugët për çiklistët dhe këmbësorët duhet të projektohen për 30 km/h.

Kufiri i shpejtësisë në këto rrugë duhet të jetë 30 km/h edhe kur nuk plotësohen kriteret e projektimit. Në fakt, ETSC i bën thirrje BE-së që ta bëjë atë një rekomandim zyrtar.

Bashkimi Europian po rishikon rregullat e patentave këtë vit dhe ETSC po kërkon gjithashtu trajnime të detyrueshme teorike dhe praktike, si dhe një test praktik, për të marrë një patentë për motoçikletën.

ETSC paralajmëron se 16 vende europiane lejojnë fëmijët të ngasin motoçikleta në moshën 14 ose 15 vjeç, pavarësisht nga mosha minimale e rekomanduar prej 16 vjeç në BE.

Mbi moshën 14 vjeç, 20% e vdekjeve të fëmijëve në rrugë janë nga personat që ngasin motoçikleta, me shumicën dërrmuese djem.

/abcnews.al