Shtimi i prurjeve të lumenjve përveç ujit kanë sjellë në kaskadën e Drinit edhe mbeturina. Dy lumenjtë kryesor Drini i Bardhe dhe Drini i Zi sollën tonelata mbetjesh që kanë mbuluar për të disatën here sipërfaqen e liqenit. Këto mbetje kanë ndikuar negativisht jo vetëm në imazhin negativ të pamjes së liqenit, por edhe si shkatërrues i gjallesave, florës dhe faunës së pasur liqenore.
Shpeshherë është tentuar për pastrimin e tij përmes projekteve te ndryshme por nuk po i jepet asnjëherë zgjidhje përfundimtare. Mbetjet mbërrijnë në Kukës nga Kosova e Maqedonia e Veriut, pikërisht nga zonat që përshkohen nga Drin i Bardhe dhe Drini i Zi.
Ky fenomen ndodh çdo here kur ka reshje te dendura dhe shtim te prurjeve ne ujëmbledhësin me te madh ne vend. Ndotësi kryesor është Drini i Bardhë, që buron nga Kosova dhe përshkon një zonë me popullsi rreth 400 mijë banorë.
Po ashtu edhe Drini i Zi, që buron nga liqeni i Ohrit në Maqedoni, si dhe degëzimet e lumenjve brenda territorit shqiptar, së bashku me ujërat, sjellin me vete edhe sasi të mëdha mbeturinash.
/abcnews.al/
