Foto ilustruese
Dy anijet të cilat janë marrë me qira nga qeveria për prodhimin e energjisë elektrike, kanë mbërritur sot në Portin e Vlorës.
Dy anijet e marra me qira, pritet që të përmbushin 15% të kërkesës së vendit për energji.
Anijet impiant gjenerues termik do të vendosen në gjirin e Vlorës në portin e peshkimit dhe do të lidhet me rrjetin e TEC-it te Vlorës.
Anijet speciale do të qëndrojnë në spirancë përpara hyrjes së terminalit Vlora-1 (PIA) dhe do të shkarkojnë anijet gjenerator pasi i kanë të ngarkuara sipër.
Anijet do të prodhojnë 15% energji për nevojat e Shqipërisë deri në momentin që termocentrali i Vlorës të vihet në funksion.
Në prill të këtij vitit Ministrja e Energjisë dhe Infrastrukturës, Belinda Balluku njoftoi se Shqipëria do të merrte me qira dy anije që prodhojnë energji elektrike.
Kontrata e qiramarrjes së anijeve që prodhojnë energjisë është për një periudhë 2-vjeçare.
Në mars 2021, Qeveria e Shqipërisë nënshkroi një marrëveshje bashkëpunimi me kompaninë amerikane ExxonMobil dhe Excelerate Energy për termocentralin e Vlorës, për të përdorur gazin e lëngshëm në prodhimin e energjisë elektrike.
Përmes kësaj marrëveshjeje përveç termocentralit, Vlora synohet të kthehet në një qendër rajonale për shpërndarjen e gazit të lëngshëm të importuar nga SHBA.
/Abcnews.al/
