Para disa javësh, “ylli” i Kombëtares franceze dhe skuadrës së PSG, Kylian Mbappe shprehu dëshirën për të luajtur në Lojërat Olimpike të ardhshme, që do të zhvillohen verën e vitit të ardhshëm në Paris të Francës.
Të njëjtin mendim ndan dhe Presidetni i sapozgjedhur i Federatës Franceze të Futbollit, Philippe Diallo, i cili tha se për Lojtërat Olimpike, Kombëtarja e “gjelave” duhet të grumbullojë skuadrën më të mirë të mundshme.
“Të mbizotërojnë interesat më të mira të vendit. E gjithë bota do të na shikojë, ne do të duhet të bëjmë skuadrën më të mirë të mundshme, ku nuk mund të mungojë kapiteni i saj”,- u shpreh Presidenti i ri i Federatës Franceze të Futbollit. /i.m /abcnews.al
