Kylian Mbappe nuk ka arritur të shënojë gol deri më tani dhe ky është një shqetësim në Francë. Në lidhje me formën jo optimale të yllit të “gjelave” ka folur ish-lojatri i PSG, Jerome Rothen. Ai shprehet se Mbappe nuk është i përqendruar te futbolli dhe e shqetëson egoizmi i tij.
“Nuk ka asnjë problem që Mbappe të jetë lider në fushë, por më shqetëson fakti se kjo shkon përtej fushës së lojës. Është për t’u çuditur sesi Deschamps e lë Mbappe të bëjë kaq shumë gjëra dhe të mos jetë plotësisht i përqendruar në fushë.
A e di Mbappe se nuk ka aftësinë e njëjtë me të tjerët nga topat “e vdekur”? A e mbani mend kur ai shënoi nga 25 metra larg? Unë jo, por më kujtohet se Griezmann dhe Pogba e kanë bërë shpesh këtë”, tha Rothen. /abcnews.al
