Mentor Mazrekaj pas ndeshjes së djeshme me Tiranën ka lënë Shqipërinë dhe është kthyer në Kosovë, ku do pushojë pak ditë, duke përfituar nga ndeshjet e kombëtares për eliminatoret e Botërorit 2022.
Mbrëmjen e djeshme ai ishte i ftuar në emisionin “Kampionët” në “Kanal 10” dhe u pyet rreth krahasimit të famshëm mes futbollit të Shqipërisë dhe të Kosovës. Mazrekaj është shumë i drejtpërdrejt është në këtë përgjigje, si gjithmonë.
“Duke u nisur nga infrastruktura, stadiumet, kushtet dhe niveli i lojës, futbolli i Shqipërisë është 10 vite përpara atij të Kosovës. Në Kosovë vijnë lojtarë nga Shqipëria, që janë në përfundim të karrierës dhe në Kategorinë Superiore nuk i marrin. Po them për shumicën nga ta”, u shpreh Mazrekaj. /abcnews.al
