Që kur përdorimi i maskës u bë i domosdoshëm, lloje të ndryshme janë prodhuar, por ajo që ka zgjedhur Joe Jonas padyshim mbetet një ndër më të veçantat. Këngëtari postoi një fotografi në rrjete sociale, ku shfaqet me një maskë në fytyrë, në të cilën ishte printuar buqëzeshja e të vëllait të tij, Nick.
Sytë e mëdhenj kafe të Joe kombinohen me buzëqeshjen perfekte të Nick. Kjo nuk është hera e parë që Joe del në publik me një maskë që bëhet virale në rrjete sociale. Në fillim të këtij muaji, këngëtari mbajti një maskë ku shkruhej “Vote”, një mesazh ky për publikun se zgjedhjet presidenciale 2020 janë vetëm pak ditë larg.
27-vjeçari dhe partnerja Sophie Turner së fundmi mirëpritën vajzën e tyre të vogël. Megjithëse dyshja ende nuk e ka konfirmuar lajmin, burimet thonë se vogëlushja quhet Willa. Turner dhe Jonas u martuan në një ceremoni sekrete në maj të 2019-ës. Pothuajse dy muaj më vonë, dyshja i thanë “po” njëri-tjetrit sërish në një ceremoni madhështore të mbajtur në Francë. xh.d/abcnews.al
