Masat kundër lëndëve plasëse, policia aksion në dyqanet e Tiranës

Një ditë pasi Ministria e Brendshme deklaroi se do të ndalohet importi dhe tregtimi i lëndëve plasëse, vjen reagimi i policisë së Tiranës e cila ka kryer kontrolle në dyqane dhe tregje, ku shiten lëndë plasëse dhe piroteknike. Policia thotë se janë sekuestuar në cilësinë e provës materiale produkte piroteknike. Sipas policisë, tek tregu çam tregtoheshin produkte piroteknike jashtë standardit të kërkuar. Kontrollet do të vijojnë në të gjithë dyqanet dhe tregjet e qarkut Tiranë për të parandaluar ngjarje të rënda gjatë festave të fundvitit./abcnews.al