Mbretëria e Bashkuar ka menduar se një zgjidhje drastike do të frenoi valën e emigrantëve të paligjshëm në vend.
Sipas mediave vendase qeveria e Boris Johnson po shqyrton mundësinë e vënies së azilkërkuesve dhe emigrantëve që presin statusin në anije të mëdha, pranë brigjeve britanike.
Pas lajmeve të shumta dhe reagimit të shoqatave humane, parlamenti britanik ka saktësuar se bëhet fjalë vetëm për një hipotezë midis shumë opsioneve që po merreshin në konsideratë.
Midis opsioneve të ndryshme në tryezën kundër imigracionit të paligjshëm, është diskutuar edhe mundësia e transferimit të të gjithë azilkërkuesve në Ascension Island, një territor i vogël dhe shkëmbor britanik në jug të detit Atlantik.
Lajmin e bëri të ditur Ministri i Brendshëm, Priti Patel i cili deklaroi se qeveria po kërkon alternativa për të ndryshuar politikat mbi imigracionin, në mënyrë që të mbrojë ata që përfundojnë në duart e trafikantëve të qenieve njerëzore.
Rritja e numrit të emigrantëve me 30% krahasuar me vitin 2019, ka bërë që Londra zyrtare të akuzoi qeverinë Franceze se nuk ka marrë masat e duhura për të ndaluar refugjatët të hynë në territorin Britanik.
Ky reagim i ashpër ndaj migrantëve nga qeveria Johnson vjen në një moment shumë delikat për Kryeministrin, pasi ai është kritikuar vazhdimisht nga mediat për mënyrën se si menaxhoi pandeminë e Covid-19.
Sipas ekspertëve Jonson po e përdor situatën e emigrantëve për të rritur popullaritetin e tij pasi ai humbi shumë pikë gjatë pandemisë.
Gjatë këtyre muajve për herë të parë në pothuajse dy vjet Partia e Punës e udhëhequr nga Keir Starmer ka arritur konservatorët në sondazhet.
Ndërsa për sa i përket çështjes së emigrantëve sondazhet tregojnë se britanikët mbështesin politikat qeveritare me 45 % pro largimit të emigrantëve dhe 35% kundër./abcnews.al
