Këngëtarja e njohur, Marsela Çibukaj ishte e ftuar mbrëmjen e sotme në programin “E ardhmja është vajzë” me Ermira Çaushollin. Ashtu si dhe të ftuarit e tjerë, Marsela ka rrëfyer momentin e saj më të vështirë që i ka shënjuar jetën dhe e ka bërë më të fortë.
“Jeta qenka një sfidë e vazhdueshme dhe na duhet të pranojmë disa herë gjëra që zemra nuk do t’i pranojë. Edhe jeta ime ka patur momente jo të bukura. Kujtoj që sa herë kishim një lloj qetësie, tak ndodhte diçka që do na duhej t’ja nisnim nga e para!”, – u shpreh Marsela.
“Dhe ka ndodhur kur mami mu sëmur. Ne na u desh që të kujdesesha për motrën ndërkohë që mami do ndiqte mamin nëpër spitale. Bënin kilometra rrugë nga Rom në Milano, vetë humbi punën, e rifilluam nga e para”, – shton këngëtarja e njohur. “Motra ishte shumë e vogël asokohe, 6 vjeçe, unë vetë mund të kem qenë as 14-15 vjeçe dhe kujdesesha unë për të sepse ishte një moment ku mami kalonte nga një pavion në tjetrin me shpresën që t’ja dilte se bëhej fjalë për një sëmundje të keqe.”
“Momentet e vështira, çdo familje i kalon. Nuk jemi as të parët e as të fundit, fatkeqësisht. Ky vit sidomos na tregoi që ka disa gjëra që vlejnë më shumë se çdo gjë tjetër. Dhe me siguri gjëja që vlen më së shumti është njerëzit e zemrës t’i kemi afër”, – përfundon Çibukaj. Kujtojmë se pak kohë më parë, Marsela bëri publike marrëdhënien e saj me këngëtarin, Vitmar Basha, me të cilin vazhdon e lumtur bashkëjetesën. /abcnews.al
