André Villas-Boas ka vendosur të largohet nga Marseille. Trajneri portugez firmosi me klubin francez 28 majin e vitit të kaluar dhe skuadra e tij zhvilloi një sezon shumë të mirë, duke u renditur e dyta dhe duke ia dalë të kualifikohet në Champions League, kompeticion ku u rikthye pas shtatë viteve mungesë.
Edhe pse ka një kontratë deri në fund të sezonit të ardhshëm dhe Marseille i ofron rinovimin me një tjetër vit, 42-vjeçari ka vendosur të largohet. L’Equipe raporton se dy janë shkaqet: problemet financiare të klubit, që nuk garantojnë përforcimin e skuadrës dhe largimi i Andoni Zubizarreta.
Spanjolli ishte ai që e bindi të transferohej në Francë, por ka dhënë dorëheqjen nga posti i drejtorit sportiv. Villas-Boas pritet të rikthehet në Premier League, aty ku ka drejtuar më parë skuadrat e Chelsea dhe Tottenham. /abcnews.al
