Nga Prishtina në mbledhjen e dy qeverive, ministrja e Infrastrukturës në Shqipëri, Belinda Balluku foli për marrëveshjen për ndërtimin e linjës hekurudhore Durrës Prishtinë.
Balluku tha se Shqipëria do të mbulojë 51% të financimit të projektit, ndërsa pjesa tjetër do të mbulohet nga Kosova.
“Shqipëria do të mbulojë 51% të financimit, pjesa tjetër do të mbulohet nga Kosova. Ky studim është pjesë e projektit që ka të bëjë me ndërtimin e portit të Durrësit. Nisja e një korridori të ri, pasi Shqipëria është përjashtuar shumë herë nga korridoret qendrore”, tha Balluku.
Ndërkohë ministri për Infrastrukturën në Kosovë, Liburn Aliu tha se dy vendet duhet të luftijnë që kjo linjë të njihet si korridor.
“Linja që lidh Durrësin dhe Prishtinë është e rëndësishme në nivel kombëtar. Është sfidë që kjo linjë të njihet si korridor. Do insistojmë që ky korridor të njihet”, tha Aliu./abcnews.al/
