Marokeni gjendet i ngrirë nga acari në xhami në Librazhd

Një emigrant është gjetur në Librazhd në kushte shumë të vështira shëndetësore për shkak të motit të acartë.

Emigranti, që paraprakisht dyshohet nga Maroku u gjet nga dy banorët thuajse i ngrirë në oborrin e xhamisë në fshatin Dragostunjë.

Pas ndihmës së parë që iu dha në spitalin e Librazhdit është transportuar drejt “Traumës” në Tiranë.

Emigrantët nga vendet e lindjes dhe Afrikës Veriore pasi arrijnë në Greqi kalojnë kufirin e gjelbër për në Shqipëri me destinacion final vendet e BE-së.

/ Abcnews.al