Mark Zuckerberg ofron 100 milion dollarë në ndihmë të mediave dhe gazetarëve

schedule08:50 - 31 Mars, 2020

schedule 08:50 - 31 Mars, 2020

Koronavirusi ka shkaktuar dëme të mëdha ekonomike në hapësirën mediatike në të gjithë botën.

Për këtë arsye, shefi i Facebook, Mark Zuckerberg, do të investojë 100 milion dollarë për të mbështetur gazetarët, në veçanti  ata që janë të fokusuar tek koronavirusi dhe lajmet lokale.

Zuckerberg bën me dije, se 25 milion dollarë do të jenë grante nga Facebook për projektet gazetareske, ndërsa 75 milionëshi i mbetur do të përdoret për marketing, në mbështetje të gazetarëve dhe organizatave që raportojnë rreth COVID-19.

CEO i Facebook shton, se ky program është në vijimësi të 300 milion dollarëve të programuar për mbështetjen e lajmeve, atyre lokale në veçanti, për vitet e ardhshme.

“Shpresojmë të mbështesim sa më shumë gazetarë gjatë kësaj periudhe, në mënyrë që të vazhdojnë punën e tyre dhe të na mbajnë të informuar”, shkruan ndër të tjera Zuckerberg./abnews.al