Marcelo Troisi largohet nga Flamurtari. Braziliani, i cili drejtoi pjesën e dytë të sezonit vlonjatet, do të drejtojë sërish në Shqipëri. Ai ka pranuar propozimin e bërë nga klubi i Turbinës dhe do të zëvendësojë Vladimir Gjonajn.
“Turbina ditën e djeshme i ka dhënë dorën dhe ka falënderuar trajnerin Vladimir Gjonaj, i cili ishte pjesë e jona fazën e fundit të kampionatit, duke i uruar suksese në vazhdimësi!
Menjëherë pas largimit të Gjonajt, Turbina zyrtarizon trajnerin e ri dhe ai është braziliani Marcelo Troisi. Troisi sezonin e shkuar drejtoi skuadrën e Flamurtarit”, njofton klubi cërrikas, që ka nisur edhe merkaton.
Bruno Lipi, mbrojtësi që më parë ka luajtur edhe me Laçin në Superiore, është afrimi i parë me pëlqimin e Troisit. Braziliani e ka pasur edhe më parë nën urdhra dhe e deshi atë edhe në Vlorë te Flamurtari, por në fund nuk u regjistrua dot për shkak se kishte luajtur me dy skuadra brenda sezonit. /abcnews.al
