Maqedonia e Veriut regjistron 62 raste të reja me Covid dhe 14 humbje jete brenda ditës

schedule15:52 - 16 Maj, 2021

schedule 15:52 - 16 Maj, 2021

Në 24 orët e fundit, Maqedonia e Veriut regjistroi 62 raste të reja nga 2.557 testime të kryera. Prej rasteve të reja, në Shkup janë regjistruar 33 raste, Gostivar dhe Strumicë 4, Prilep, Manastir, Kavadar, Ohër dhe Kërçovë 3, Kumanovë 2, Tetovë, Veles, Koçan dhe Kratovë 1.

Po ashtu, brenda ditës e kanë fituar betejën me sëmundjen 245 pacientë të shëruar dhe 14 të tjerë kanë humbur jetën. Prej pacientëve që humbën jetën, gjashtë janë nga Shkupi, tre nga Tetovë, dy nga Gostivari dhe nga një në Kumanovë, Kërçovë dhe Manastir.

Që nga fillimi i pandemisë në Maqedoni janë konfirmuar gjithsej 154.689, prej tyre 145,851 janë shëruar dhe 5.211 kanë humbur jetën. Aktualisht, raste aktive në vend janë 3,636. /abcnews.al/