Për momentin janë numri 1. “Qytetarët” e Manchester City mbeten kampionë të trefishë në fuqi, si në Premier League, në UEFA Champions League dhe FA Cup, teksa këtë muaj “shkëlqimin” e tyre do të kenë mundësinë ta shkojnë edhe qytetarët shqiptarë, me klubin e madh anglez, që do të hapë këtë muaj një ekspozitë në Tiranë, ku do të shfaqë disa nga trofetë e fituar vitet e fundit.
Kjo ekspozitë do të hapet në kryeministri, pikërisht aty ku u prezantua ekspozita e ish-kampionit të botës, Paolo Rossi, si dhe në Sheshin Italia, teksa pritet që klubi anglez do të sjellë në kryeqytetin shqiptar pesë trofetë e fituar vitin e kaluar, atë të Champions League, Premier League, FA Cup, Superkupën e Europës dhe Kupën e Botës për klubet.
Aktiviteti është në kuadër të marrëveshjes së bashkëpunimit të qeverisë shqiptare me “Qytetarët” e Manchester City, që parashikon hapjen e një shkolle futbolli në Durrës, teksa deri më tani qeveria ka akorduar 90 milionë lekë për akademinë “Dyrrah City”, dhe nga Britania e Madhe do të vijnë trajnerët të moshave për të dhënë përvojën e tyre për futbollin shqiptar. /i.m /abcnews.al
