Ministrja e Shëndetësisë Ogerta Manastirliu ka takuar ditën e sotme me homologun e saj kosovar Armend Zemaj me të cilin ka shkëmbyer një përshëndetje me dorë në zemër.
Manastirliu thotë se kanë shkëmbyer përvojat e menaxhimit të pandemisë së Covid-19
“Me kënaqësi prita sot Ministrin e Shëndetësisë së Kosovës, Armend Zemaj, për të shkëmbyer përvojat e menaxhimit dhe përgjigjes së sistemeve tona shëndetësore ndaj pandemisë Covid-19.
Kjo kohë kërkon solidaritet dhe përpjekje të ndërsjellta për të kufizuar përhapjen e virusit të rrezikshëm”, shkruan Manastirliu./abcnews.al
