Kreu i Partisë Demokratike Lulzim Basha ka folur mbrëmjen e sotme për makinat e shtrenjta që janë parë në takimet e tij elektorale.
I pyetur në emisionin “Open” nëse janë këto mjete të oligarkëve të ardhshëm, Basha u përgjigj: “Unë nuk shoh kush janë makinat që më shoqërojnë. Por di të jenë vetëm qytetarë të etur për ndryshim. Më duket sikur po e ekzagjeroni. Dy mjetet e mia janë të vitit 2010. Unë kudo ku shkoj më dalin njerëz që më presin”.
Basha theksoi më tej se me ardhjen e tyre në pushtet do të bëjnë të mundur miratimin e ligjit të oligarkisë. Sipas tij ekonomia çlirohet vetëm nëse rikthehet konkurenca.
“Ne nuk kemi thjeshtë një plan por edhe ligj kundër oligarkisë. Ne, Shqipërinë do tua kthejmë shqiptarëve. Nuk çlirojmë ekonominë pa çliruar konkurrencën. Problemi kryesor këtu është se qeveria punon vetëm me tre veta. Kthimi i konkurencës është i nevojshëm. Qeveria e ardhshme nuk do të japë favor për askënd,” tha Basha. g.v/abcnews.al
