Një person ka humbur jetën në orët e para të mëngjesit të kësaj të shtune në Fushë Krujë.
Burime për Abc News bëjnë me dije se një makinë është përplasur me një mjet bujqësor ku si përfundim ka humbur jetën një 71 vjeçar.
Viktima e kësaj ngjarje është Halim Tufa, 71 vjeç, i cili për shkak të plagëve të marra ka humbur jetën rrugës për në spital.
Njoftimi i policisë:
Më datë 15.08.2020, rreth orës 05:35, në Fushë Krujë, mjeti tip “Benz”, me drejtues shtetasin L.K., 37 vjeç, është përplasur me një motoçikletë me drejtues shtetasin H.T., 71 vjeç, i cili për pasojë ka ndërruar jetë.
Grupi hetimor dhe shërbimet e Policisë ndodhen në vendngjarje dhe po punojnë për zbardhjen e ngjarjes.
Drejtuesi i mjetit është shoqëruar në ambjentet e Policisë për veprime të mëtejshme./abcnews.al
