Makina del nga rruga në Kamëz, vdes shoferi 24 vjeçar, pasagjeri në spital

Një aksident me vdekje ka ndodhur në orët e para të mëngjesit në Kamëz. Policia njofton se ka ndërruar jetë një 24 vjeçar i cili ishte shofer në makinën që ka dalë nga rruga. Në makinë bashkë me të ishte edhe një 61 vjeçar i cili ndodhet në spital.

“Më datë 13.03.2022, rreth orëve të para të mëngjesit, në Kamzë, shtetasi D. P., 24 vjeç, duke drejtuar mjetin e tij, dyshohet se ka humbur kontrollin mbi drejtimin e mjetit dhe ka dalë nga rruga. Si pasojë e aksidentit ka humbur jetën drejtuesi i mjetit, shtetasi D. P., dhe është dëmtuar pasagjeri, shtetasi F. P., 61 vjeç”. njofton policia.

Grupi hetimor ndodhet në vendngjarje dhe po punon për sqarimin e rrethanave të aksidentit. Ende nuk dihet gjendja e pasagjerit dhe se si ka ndodhur aksidenti.

/abcnews.al