NBA është kampionati më i fortë dhe më spektakolar i botës. Një tjetër konfirmim për këtë erdhi në mbrëmjen e fundit të basketbollit amerikan.
Los Anxheles Lejkërs u dorëzuan në shtëpinë e tyre, duke u mundur 118-119 nga Orlando, që shpërbleu epitetin si “Magjikë”.
Miqtë realizuan një përmjbysje të çmendur, ndoshta të paimagjinueshme, duke rekuperuar 4 pikë dizavantazh në vetëm 23 sekondat e fundit të sfidës.
Njeriu i kësaj sipërmarrje të rallë ishte Franz Wagner. Basketbollisti gjerman bëri ndeshjen personale më të mirë të sezonit, duke e mbyllur atë me dy shifra dopjo, 37 pikë dhe 11 asist, përveçëse 6 topave të kapur në tabelë.
Nga ana tjetër, e kotë rezultoi paraqitja e dyshes së yjeve të Lakerës, Entoni Devis dhe LeBron Xhejms.
Qëndra e skuadrës kaliforniane ishte realizuesi më i mirë i sfidës me 39 pikë, ndërsa realizoi edhe 9 ribaund.
Thuajse në të njëjtin nivel edhe “Mbreti” i NBA, pasi Lebron Xhejms shënoi 31 pikë dhe kapi 10 topa në tabelë.
Por kaq nuk mjaftuan, ndërsa Los Anxheles Lejkërs shpërdoron një mundësi të artë për t’u afruar me kreun e Konferencës së Perëndimit.
Nga ana tjetër, me këtë fitore të madhe, Orlando Mexhik, ngjitet në vendin e katërt në Konferencën e Lindjes në basketbollin amerikan. /abcnews.al
