Presidenti Emmanuel Macron u takua me homologun e tij kinez Xi Jinping në Pekin të enjten. Presidenti francez, i cili mbërriti të mërkurën për një vizitë shtetërore tre-ditore, shtrëngoi duart me Xi jashtë Sallës së Madhe të Popullit.
Xi mirëpriti mysafirin e tij në një qilim të madh të kuq, me flamuj kinezë dhe francezë që valviteshin ndërsa luheshin himnet kombëtare të vendeve, tha një gazetar i AFP.
“Agresioni rus në Ukrainë i ka dhënë një goditje stabilitetit. E di që mund të mbështetem tek ju për ta bërë Rusinë të arsyetojë,” tha Macron.
Macron ka thënë gjatë udhëtimit të tij se Pekini mund të luajë një “rol të madh” në gjetjen e një rruge drejt paqes.
Macron shoqërohet edhe nga shefja e Komisionit Europian Ursula von der Leyen dhe tha se dëshiron të jetë “një zë që bashkon Europën” mbi Ukrainën dhe se vizita në Kinë me të shërben për të treguar pikërisht këtë qasje.
/abcnews.al
