Lyon është shumë i shqetësuar për ecurinë në Champions League. Skuadra franceze do të luajë në gusht ndeshjen e kthimit të raundit të 1/8 kundër Juventusit. Sfida e parë është fituar 1-0, bardhezinjtë janë shumë të fortë, por Lyon i trembet më shumë gjendjes fizike.
Kampionati francez është pezulluar përfundimisht dhe lojtarët nuk do të kenë minuta në këmbët e tyre, në ndryshim nga rivalët. Klubi nuk është dorëzuar dhe shpreson që Ligue 1 të rinisë, kërkesë që parashtrohet në një komunikatë zyrtare.
“Si mund të sigurohemi që të gjitha klubet franceze janë në gjendje të mbarojnë vitin pa dështuar? Si do të konkurrojmë me kampionatet e tjera të huaja që, në shumicë dërmuese, kanë zgjedhur të presin për rifillimin e futbollit? Si mund të shmangim hendekun që po rritet në krahasim me ta?
Mos të harrojmë faktin që Lyon, që renditet në vend të shtatë në Ligue 1, është përjashtuar nga pjesëmarrja në kompeticionet evropiane për sezonin e ardhshëm. Kjo ndodhi pavarësisht faktit që duhet të luajmë finalen e Kupës së Francës. Ka kohë deri në 25 maj për të rikthyer pas dhe për të shmangur dëme të mëdha“, përfundon klubi francez. /abcnews.al
