Universitetet publike në vend kanë shpenzuar më tepër për roje, rrethim gardhi, mobilim zyrash dhe rritje pagash per vete, sesa për studentët dhe aq me pak, per kërkimin shkencor.
Në një vit insitucionet e arsimit të lartë kanë shpenzuar rreth 88 milion euro dhe 70% e fondeve kanë shkuar për rroga.
Universiteti i Tiranës, institucioni i arsimit të lartë më i madh dhe me i vjetri në vend, rreth 790 mijë euro I ka çuar për të siguri godinash ndërsa për studime e kërkime ka lëvruar rreth 28 mijë euro.
Universiteti I Tiranes kryeson dhe tabelen e luksit personal me blerjen e pajisjeve për zyra dhe orendi të tjera me 277 mijë euro. Pas tij vjen Universiteti Politeknik me 142 mijë euro.
Për shpenzimet për karburant vendin e parë e mban “Luigj Gurakuqi” I Shkodrës ku për një vit ka shpenzuar më shumë se 113 mijë euro. Mesa duket pasi drejtuesit I ka me banim ne tirane.
Ndryshe ndodh me shpenzimet për studentët. Institucioni I arsimit të lartë me buxhetin më te madh në vend Universiteti I Tiranës, renditet vetem I katërti me 1450 euro për student. E kalon Korça me 2,145 Euro për student dhe lë pas Durrësin me shpenzimet më të ulëta, vetëm 800 Euro për student.
Shpenzime të larta për qëllime infrastrukturore thotë Qendresa Qytetare ngjallin pikëpyetje mbi transparencën dhe menaxhimin e fondeve të mbledhura nga tarifat studentore.
Qëndresa Qytetare i rekomandon Ministrisë së Arsimit, KLSH dhe Prokurorive të auditojnë dhe hetojnë buxhetet, transaksionet dhe ofrimin e shërbimeve nga universitetet publike si dhe të marrin masa në rast rast shkeljesh./abcnews.al
