Laçi ka mposhtur këtë sezon në kampionat vetëm Partizanin, ndërkohë që sot ka një ndeshje të vështirë me Teutën kryesuese. Kurbinasit duan maksimumin e pikëve dhe kthesën te rezultatet pozitive. Kurbinasit nuk do të kenë kapitenin Eglentin Gjoni, i cili u jep zemër shokëve të skuadrës.
“Mos u dorëzoni çuna! Jepni shpirtin sot, luftoni dhe dilni me kokën lart”, shkruan shtatlarti i mbrojtjes në llogarinë e tij në “Instagram”. Gjoni është operuar pasi pësoi një frakturë në krahun e majtë në ndeshjen me Bylisin.
Ai pritet të jetë i gatshëm për trajnerin Armando Cungu në muajin dhjetor. Momentalisht ai vijon të kryejë terapi, në mënyrë që të jetë gati sa më shpejt për të nisur stërvitje veçmas dhe më pas me grupin. /abcnews.al
