Amir Abrashi do të vazhdojë të jetë pjesë e Freiburg në Bundesligë. “Pitbulli” i kombëtares nuk është aktivizuar shumë me skuadrën gjermane kohët e fundit, por drejtuesit e vlerësojnë shumë dhe kanë zyrtarizuar rinovimin me të (palët kanë rënë dakord të mos zbulojnë kohëzgjatjen e kontratës së re) në një komunikatë zyrtare në Twitter.
“Amir është një luftëtar i madh dhe një djalë i shkëlqyer. Energjia që na jep ai është e rëndësishme për ekipin, përshtatet për mrekulli me karakteristikat tona. Amir është shumë i rëndësishëm për ne, brenda dhe jashtë fushës. Jemi të kënaqur me cilësitë e tij dhe atë që jep për Freiburg“, deklaron Klemens Hartenbach, drejtori sportiv.
I lumtur shfaqet edhe 30-vjeçari, i cili ka zhvilluar 91 ndeshje në total me gjermanët prej verës së vitit 2015 kur u transferua nga Grasshoppers. “Klubi dhe ambienti këtu janë thjesht fantastikë, jam shumë i lidhur me Freiburg. Mund t’i jap forcë dhe karikim skuadrës, do vazhdoj të punoj me motivim maksimal për të mirën e Freiburg“, thekson Abrashi. /abcnews.al
#Streich über die Vertragsverlängerung von #Abrashi: “Amir ist ein Kämpfer vor dem Herrn, ein Mensch, der alles einbringt für die Mannschaft und in jedem Training alles reinhaut. So fordert und fördert er die Mitspieler. Ein super Typ.” pic.twitter.com/tmsstxiUwN
— SC Freiburg (@scfreiburg) June 18, 2020
