Presidenti ukrainas Volodymyr Zelensky paralajmëroi të dielën se vendi i tij do të humbasë luftën me Rusinë nëse ndihma e shumëpritur prej 60 miliardë dollarësh nga SHBA mbetet e bllokuar në Kongres.
“Nëse Kongresi nuk e ndihmon Ukrainën, Ukraina do ta humbasë luftën”, tha Zelensky gjatë një konference me ambasadorët për mbledhjen e fondeve të qeverisë ukrainase.
I spoke with @U24_gov_ua ambassadors about global support for Ukraine and how we can keep the focus on helping our people defend themselves against Russian terror.
Thank you for your donations, support, and voices that are heard all over the world. Special thanks for continuing… pic.twitter.com/cugWcqKRot
— Volodymyr Zelenskyy / Володимир Зеленський (@ZelenskyyUa) April 7, 2024
“Pa mbështetjen e Kongresit, do të jetë e vështirë për ne të fitojmë, madje edhe të mbijetojmë” si vend, theksoi ai.
“Nëse Ukraina humbet luftën, shtetet e tjera do të sulmohen”, paralajmëroi presidenti ukrainas.
Programi i ndihmës ushtarake dhe ekonomike prej 60 miliardë dollarësh për Kievin është bllokuar që nga viti i kaluar për shkak të përçarje midis demokratëve dhe republikanëve, ndërsa zgjedhjet presidenciale do të zhvillohen në nëntor.
/abcnews.al
