Rusia është rikthyer në Marrëveshjen e Ushqimit të Stambollit “pasi ka marrë garanci të mjaftueshme për ta bërë këtë.” Lajmin e ka bërë të ditur ministria ruse e Mbrojtjes. Pezullimi i përkohshëm i marrëveshjes u njoftua fundjavën e kaluar, pasi Kievi sulmoi anijet e Flotës së Detit të Zi dhe anijet civile në ujërat e Sevastopolit, siç njoftoi Moska.
Sipas deklaratës së Ministrisë ruse, Ukraina ka dhënë garancitë e nevojshme me shkrim për të mos përdorur Korridorin e Sigurisë së Kokrrave të Detit të Zi për operacione ushtarake kundër Rusisë, të cilat janë marrë me ndërmjetësimin e Turqisë dhe OKB-së, tha Ministria ruse e Mbrojtjes.
“Falë pjesëmarrjes së një organizate ndërkombëtare (OKB-së), si dhe ndihmës së Turqisë, u bë e mundur të merren garancitë e nevojshme me shkrim nga Ukraina për mospërdorimin e korridorit humanitar dhe porteve të Ukrainës, të cilat janë identifikuar në interes të eksportit të produkteve bujqësore, për të kryer operacione ushtarake kundër Federatës Ruse, të cilat u dërguan në qendrën e përbashkët koordinuese më 1 nëntor 2022″, tha ministria ushtarake ruse në një deklaratë. /abcnews.al/
