Fjalimi i Vladimir Putin përpara popullit rus të mërkurën në mbremje ishte i jashtëzakonshëm. Gjatë fjalimit, ne pamë një president rus që po lufton në të gjitha frontet, shkruan BBC
Ai tha se i ashtuquajturi operacioni i tij special ushtarak po shkon sipas planit, madje e justifikoi sulmin në Ukrainë duke e cilësuar një akt vetëmbrojtjeje. Por ai e di se situata në Rusi është tensionuar. Ai e di se vala e sanksioneve ndërkombëtare do të shkaktojë dhimbje masive ekonomike dhe potencialisht trazira sociale.
Ai foli për rritjen e inflacionit, rritjen e papunësisë. Pra, ai po kërkon një kokë turku, në mënyrë që populli rus të mos e fajësojë atë kur ekonomia ruse të “shkatërrohet” Dhe “kokat e turkut” janë zgjedhur. Ai denoncoi tradhtarët, kolumnistët dhe “llumrat pro-perëndimore”.
Me fjalë të tjera, jemi ne kundër tyre, e mira kundër të keqes. Vladimir Putin po përpiqet të krijojë përçarje në vend për të shpëtuar veten nga përgjegjësia për pasojat e pushtimit të tij në Ukrainë.
Tani duhet të presim dhe të shohim se cili është efekti i këtij fjalimi në shoqërinë ruse.
/abcnews.al
