Loading ...Sulmi i Rusisë ndaj Ukrainës ka hyrë në muajin e dytë të tij dhe deri më tani kanë humbur jetën mijëra civilë dhe ushtarë mes të cilëve edhe fëmijë.
Prej 24 shkurtit sulmet ruse kanë vijuar në disa qytete të Ukrainës ku ndër më të prekurit është Mariupol, ku deri më tani janë larguar mijëra qytetarë dhe janë shkatërruar ndërtesat.
Ndërkohë në takimin e fundit të delegacioneve në Stamboll u duk se do të kishte një arritje armëpushimi por duket se Rusia vijon që të sulmojë.
Nga fotot e publikuara në mediat e huaja shikohen ndërtesa të shkrumbuara dhe të shkatërruara nga sulmet dhe njerëz mes rrënojave me shpresën për të shpëtuar ndonjë send me vlerë./abcnews.al
