Trupat ruse bombarduan Harkivin, qytetin e dytë më të madh të Ukrainës, duke shkaktuar dëme të konsiderueshme, bëri të ditur kryebashkiaku Ihor Terekhov përmes një postimi në rrjete sociale.
Sipas tij, dëme pësuan disa ndërtesa banimi dhe një garazh publik. Në një sulm të ngjashëm në Derhaçi – një qytet i vogël rreth 15 kilometra në veri të Harkivit – u plagosën disa njerëz, përfshirë një fëmijë, tha guvernatori i Harkivit, Oleh Synyehubov.
“Sipas personelit mjekësor, pesë persona, përfshirë një djalë 14-vjeçar, janë plagosur”, shkroi Synyehubov në Telegram.
Rusia nisi pushtimin në shkallë të plotë të Ukrainës në shkurt të vitit 2022.
