Një sulm raketor rus vrau tetë persona, përfshirë një fëmijë, dhe plagosi të paktën dhjetë të dielën në mbrëmje në Sumy, një qytet në verilindje të Ukrainës, tha zyra e prokurorit rajonal.
“Tetë të vdekur, duke përfshirë një fëmijë dhe dhjetë të plagosur në një sulm me raketa kundër një zone shumë të populluar të banimit të Sumy ”, thuhet në njoftim.
Fotot e publikuara tregojnë një ndërtesë të dëmtuar dhe makina me xhama të thyer.
Në Telegram, presidenti ukrainas Volodymyr Zelensky tha se operacionet e ndihmës ishin ende duke u zhvilluar.
“Kriminelët duhet të ndëshkohen për vrasjen e njerëzve të pafajshëm ”, shkroi ai./abcnews.al
