Loading ...SHQIPËRI- Konflikti në Iran ka rindezur debatin se bota po shkon drejt Luftës së Tretë Botërore.
Megjithatë, sipas rezultateve të sondazhit ‘Zëri i Shqiptarëve” në ABC News, shumica e shqiptarëve mendojnë se kjo frikë është e ekzagjeruar.
Rreth 85.3% e të anketuarve besojnë se frika për një luftë të tillë po zmadhohet më shumë sesa duhet.
Ndërkohë, 7.9% shprehen se nuk besojnë se do të ndodhë, por ende kanë disa pasiguri. Nga ana tjetër, vetëm 6.8% e njerëzve mendojnë se një Luftë e Tretë Botërore është një realitet i mundshëm.
Kampioni për këtë sondazh është 1248 banorë të rritur të vendit. Linku i pyetësorit u shpërnda me SMS të rastësishme në mënyrë proporcionale në qytetet dhe fshatrat e Shqipërisë. Pyetësori u plotësua elektronikisht në mënyrë krejt anonime nga të anketuarit. Maksimumi i marzhit të gabimit statistikor: +/- 2.8%/abcnews.al
