Presidenti amerikan, Joe Biden ka hequr dorë nga pretendimet që ai bëri në fillim të kësaj jave se një marrëveshje armëpushimi midis Izraelit dhe Hamasit është e afërt.
I pyetur nga një gazetar jashtë Shtëpisë së Bardhë nëse ai ishte ende me shpresë se një marrëveshje mund të arrihet në ditët në vijim, ai tha: “Shpresa buron e përjetshme.
“Isha në telefon me njerëzit në rajon. Ndoshta jo deri të hënën, por kam shpresë”, shtoi Biden, shkruan Al Jazeera.
Përfaqësuesit e Hamasit kanë thënë që atëherë optimizmi i Bidenit nuk është “i lidhur me realitetin në terren” dhe se “hendeku është ende i gjerë”.
Të enjten, kryeministri izraelit Netanyahu tha se ai “po refuzonte presionin ndërkombëtar për t’i dhënë fund luftës përpara se të arrijmë të gjitha qëllimet e saj”.
“Edhe pse ky presion po rritet dhe po rritet, përpjekjet tona po japin fryte në arenën më të rëndësishme diplomatike që është, natyrisht, SHBA-ja”, tha ai, duke iu referuar disa sondazheve të opinionit që sugjerojnë se 82 për qind e amerikanëve mbështesin luftën e Izraelit në Gaza./abcnews.al
