Vetëm zgjedhjet e para, por gjithsesi me një impakt pozitiv mediatik. Trajneri I kombëtares së Anglisë, Thomas Tuchel zbuloi listën me 26 futbollistët që do të ketë në dispozicion për ndeshjen kundër Shqipërisë në “Wembley” më 21 mars, e para në kualifikueset e “Botërorit 2026”.
Kjo sfidë është debutuese për teknikun gjerman, që mori drejtimin e “Tre Luanëve” pas largimit të Gareth Southgate.
Tuchel ka rikthyer në kombëtare Markus Rashford dhe Jordan Henderson, ndërsa ashtu si parardhësi i tij ka lënë jashtë Xhek Grilish.
Nuk mungojnë edhe suprizat, me 18 vjeçarin Ljuis –Skelli, mbrojtësin tjetër të Arsenal, Kuansah si dhe veteranin e Njukasëll, Dan Bërn, që do debutojë në moshën 32 vjeçare.
Ndërkohë, pjesë e listës së Anglisë për sfidën kundër Shqipërisë janë të gjithë peshat e rënda si Kane, Bellingham, Foden, Palmer apo Ullker.
Jashtë skuadrës për shkak dëmtimesh kanë mbetur emra të tjerë të mëdhenj të futbollit anglez si Saka, Maguire, Aleksander-Arnold, Kobi Maino apo Luke Shou.
Pas publikimit të listës, Thomas Tuchel do të zhvillojë të hënën stërvitjen e tij të parë si trajner i kombëtares së Anglisë./abcnews.al
