Sot, vetëm tre ditë para ndeshjes me Kosovën për eliminatoret e Kampionatit Europian, trajneri i kombëtares U21 ka shpallur listën e lojtarëve të thirrur për dy ndeshjet e fundit të fushatës ndaj dardanëve dhe Anglisë.
Vazhdon të jetë një “market” i preferuar nga Bushi Kategoria Superiore, e cila fatmirësisht ka nisur tashmë dhe i gjen lojtarët më gati se në dy grumbullimet e kaluara. Nga kampionët e Tiranës në këtë grumbullim ka një hyrje të re.
Omar Musai, mbrojtësi i bashkuar së fundmi me ekipin e parë bardheblu është pëlqyer nga Bushi dhe është bashkuar me Shpresat kuqezi. Edhe Esat Mala i Partizanit e ka rifituar një ftesë nga Bushi dhe pritet të jetë një element efikas në dy ndeshjet e ardhshme të kuqezinjve. /abcnews.al
