Një lajm aspak i mirë për skuadrën e Kukësit, ku dëmtimi i titullarit të skuadrës ka alarmuar të gjithë stafin e verilindorëve.
Klubi ka konfirmuar se Angelo Tafas se pësuar një dëmtim të rëndë, i cili pritet ta lërë për një kohë të gjatë jashtë fushave të lojës. Gardiani i verilindorëve ka thyer meniskun lateral dhe priten ekzaminimet e mëtejshme për të mësuar dhe kohën që do i duhet për tu rikuperuar.
Sipas analizave paraprake mësohet se 21-vjeçari do t’i duhet minimalisht një muaj e gjysmë deri në tre muaj larg fushës së lojës, që rrjedhimisht nëse konfirmohet diçka e tillë do të thotë se portieri i verilindorëve të mbyllë para kohë sezonin.
Ky është një lajm i keq për trajnerin Diego Longo, i cili e kishte Tafasin të preferuarin e tij, pasi ka qenë një nga titullarët e verilindorëve në të gjitha ndeshjet, ku me pritet e tij ka qenë një pikë kyçe në skuadrën verilindore.
Vendin e Tafas vendin mes shtyllave pritet që ta marrë Dashamir Xhika. Kukësi aktualisht ndodhet në vendin e tretë në Abissnet Superiore me 43 pikë dhe synon që të arrijë zonën evropiane deri në fund të edicionit.
/f.a/abcnews.al
